Тұрсын Жұртбай семейліктерге «Ұраным-Алаш!» трилогиясын сыйға тартты
Жазушы, алаштанушы ғалым Тұрсын Жұртбай Семейде болып, қалың оқырманға өзінің Алаш қозғалысына арнап жазған үш томдық кітабы «Ұраным-Алаш!» трилогиясын сыйға тартты.
Бұл кітап орыс тіліне де аударылған еді. Алаш зиялыларының үстінен жүргізілген тергеу материалдарының негізінде жазылған көп жылғы зерттеу еңбегі «Ұраным- Алаш!» кітабын семейліктер асыға күткендіктерін де жасырмады.
-Тұрсын Жұртбай сан қырлы адам. Ол жазушы, филология ғылымдарының докторы, абайтанушы, әуезовтанушы, алаштанушы,-деді кітапхана директоры Гүлнар Жігітбаева.
Жазушы, ғалым кітапханада қонақта болып, сирек басылымдар қорымен танысты. Өзінің жерлестері, белгілі әнші сазгерлер Мәдениет Ешекеев, Болат Сыбанов, Тұрсынғазы Рахимов, Кеденбай Өлмесековтер туралы бейне-естеліктер жазып қалдырды.