Қазақстан ұлттық құрамасы математикадан Балқан олимпиадасына қатысады
Фото: Оқу-ағарту министрлігінен
Қазақстандық оқушылар математикадан JBMO-2024 Халықаралық жасөспірімдер Балқан олимпиадасына қатысады. Биыл олимпиада 25-30 маусым аралығында Анталья қаласында өтеді, деп хабарлайды Altainews.kz тілшісі.
Еліміздің ұлттық командасында алты жас математик бар, олардың барлығы 2024 жылғы республикалық олимпиаданың жеңімпаздары мен жүлдегерлері.
- Әли Еркебұланұлы — Алматы қаласындағы физика-математика бағытындағы Назарбаев зияткерлік мектебінің 9-сынып оқушысы;
- Бердібек Орынбасар — Атырау облыстық №1 «Білім-инновация» лицей-интернатының 9-сынып оқушысы;
- Арнұр Ансатов — Қызылорда облыстық №9 дарынды балаларға арналған «Білім-инновация» лицей-интернатының 9-сынып оқушысы;
- Сұлтанәли Алиасқар — Астана қаласындағы дарынды ұлдарға арналған «Білім-инновация» лицей-интернатының 8-сынып оқушысы;
- Асқар Мұхтарұлы — Қызылорда облыстық №9 дарынды балаларға арналған «Білім-инновация» лицей-интернатының 9-сынып оқушысы;
- Эрик Лим — Алматы қаласындағы республикалық физика-математика мектебінің 9-сынып оқушысы.
Құрама команданың жетекшісі:
- Антон Николаевич Васильев — ф.-м.ғ.к., М.В.Ломоносов атындағы ММУ қазақстандық филиалының іргелі және қолданбалы математика кафедрасының доценті.
Анықтама үшін: Математикадан Халықаралық жасөспірімдер Балқан олимпиадасы - Балқан түбегі елдерінің оқушыларына арналған байқау. Қазақстан олимпиадаға қонақ ел ретінде қатысады.
Оқи отырыңыз
Қазақстанның жас математиктері халықаралық олимпиадада төрт медаль жеңіп алдыШығысқазақстандық оқушы халықаралық байқаудан жүлделі оралды – ШҚО«Бастау» республикалық математикалық турнирінен шығысқазақстандық балғындар олжалы оралдыҚазақстандық оқушылар еуропалық математикалық олимпиадада бақ сынайдыҚазақстандық оқушы Қытайдағы халықаралық олимпиадада алтын медаль жеңіп алды
