Өскемендегі театр маусымы «Сергелдең болған серілер» комедиясымен ашылады
Шығыс Қазақстан облыстық қазақ драма театры өзінің 18-ші маусымын Баққожа Мұқаевтың «Сергелдең болған серілер» атты екі бөлімді комедиясымен ашпақ.
Әр маусымды түрлі жанрдағы қойылымдармен ашып келе жатқан ұжым биылғы маусымды комедиямен ашуды ұйғарды. Пьеса өткен ғасырдың 80-ші жылдары жазылса да, бүгінгі қоғамның өзекті мәселесін қозғайды. Қойылымға өмірлік жар іздеуде көп қателіктерге бой ұрып, небір қызықтарды басынан өткеретін жастардың өмірі өзек болады.
Қойылымның режиссері - С.Акелеев. Сонымен, қыркүйек айының 16 – жұлдызында жаңа театр маусымы Б. Мұқаевтың «Сергелдең болған серілер» атты 2 бөлімді комедиясымен ашылады.