Кеше хабарлағанымыздай, бүгін Азия біріншілігінде демалыс күні. Жарыстың нағыз қызған шағы ертең басталмақ. Себебі, алда ширек финал бәсекелері күтіп тұр.

Төменде ширек финалдық ойындар кестесін ұсынып отырмыз (ЕСКЕРТУ: жарыс ұйымдастырушыларының алдын ала жасаған кестелерінде өзгерістер орын алуы мүмкін).

11:30. «Суприм» (Тайланд) – «Филиппин Супер Лига» (Филиппин);
14:00. «Хисамицу Сеяку Спрингс» (Жапония) – «Тайвань Пауэр» (қытайлық Тайбэй);
16:30. «Алтай» (Қазақстан) – «Вьетин Банк» (Вьетнам);
19:00. «Тяньцзинь Бохай Банк» (Қытай) – «Сармайе Банк» (Иран).

Айта кетейік, қазір жартылай финал ойындарының да болжамды кестесі белгілі. Мәселен, біздің «Алтай» ширек финалдан сүрінбей өтетін болса, келесі кезеңде жапондық «Хисамицу Сеяку Спрингс» пен тайбэйлік «Тайвань Пауэр» арасындағы жекпе-жектің жеңімпазымен жолы түйісетін болады.

Нұржан Кенжеұлы