ҚР ҚМ ҚБК ШҚО бойынша Қаржылық бақылау инспекциясымен бұзушылықтар анықталып, бюджет кірісіне қайтару арқылы жойылды.

ҚР ҚМ ҚБК ШҚО бойынша Қаржылық бақылау инспекциясымен ағымдағы жылдың ақпан айында «Шығыс Қазақстан облысы Үржар ауданының сәулет, құрылыс, тұрғын үй - коммуналдық шаруашылығы, жолаушы көлігі және автомобиль жолдары бөлімі» мемлекеттік мекемесіне тақырыптық бақылау жүргізіліп, «Шығыс Қазақстан облысы Үржар ауданы, Сегізбай ауылындағы 80 орындық мектептің құрылысы» объектісін жүзеге асыру барысында Мекеменің мердігерлік ұйым «Өскемен-пласт» ЖШС-ның алдында 01.01.2015 жыл жағдайы бойынша 115971,4 мың теңге сомасына кредиторлық берешекті жасыру түріндегі бұзушылықтар, сондай-ақ, мердігерлік ұйым «Өскемен-пласт» ЖШС-ның Мекеме алдындағы 1658,5 мың теңге сомасына дебиторлық берешектің болуы анықталды.

Бақылау барысында 1658,5 мың теңге сомасын қайтару бойынша шаралар қолданылды, сонымен қатар, бұрмаланған қаржылық есептiлiк жасағаны, iрi залал келтiрмеген, бухгалтерлiк есепте көрсетiлуге жататын деректердi жасырғаны үшін бухгалтерге әкімшілік құқықбұзушылық туралы хаттама толтырылды.