Отбасы күні мерекесі қарсаңында Курчатов қалалық әділет басқармасының өкілдері жергілікті аурухананың перзентхана бөлімінде салтанатты жағдайда туу туралы куәліктер табыс етті , деп хабарлайды Altaynews.kz тілшісі.


Еліміздің Неке және отбасы туралы кодексіне сәйкес аталған басқарма мамандарымен жаңа туылған сәбилердің ата-аналарына тиісті құжаттар берілді. Қос қуаныш қатар келген осындай бақытты отбасылардың бірі – Мәденбектер әулеті. Бұл әулеттің нәрестесі Отбасы күнін мерекелеу қарсаңында дүниеге келген.

Кішкентайлы болған ерлі-зайыптылардың қолына баланың өмірдегі ең алғашқы құжатын тапсырған басқарма қызметкерлері, сонымен қатар, естелік сыйлықтар тарту етуді де ұмытпады.