Семейдегі арбат көшесінде Семей қаласы ішкі саясат бөлімі және Жастар орталығының қолдауымен «Сана» ШҚО Жастар қоғамдық бірлестігі «Қазақстан – алға ұмтылған ел» атты жастар фестиваль–конкурсын өткізді, деп хабарлайды Аltaynews.kz тілшісі.
Семей қалалық ішкі саясат бөлімінің мамандарының айтуынша,іс–шараның негізгі мақсаты - Конституцияны халық арасында кеңінен насихаттау, егемендік, тәуелсіздік, отанға деген сүйіспеншілікті насихаттау арқылы патриотизмді қалыптастыру және Қазақстан Республикасының Президенті - Елбасы Н.Ә. Назарбаевтың «Қазақстан – 2050» Стратегиясы - қалыптасқан мемлекеттің жаңа саяси бағыты» атты Қазақстан халқына Жолдауын насихаттау.
Патриоттық фестиваль барысында жиналған қауым «Бодиарт», «Ақ тілектер қабырғасы», «Домбыра party», «Бауырсақ battle», «Караоке БУМ» сайыстарына қатысып, өз өнерлерін ортаға салды. Отбасы күніне байланысты саябақта қыдырып жүрген жастар өз тілектерін жазып «Тілектер шарларын» барлығы бір уақытта ұшырды. Шара соңында ұйымдастырылған «Рок концерт» тыңдаушылардың көңілдерін серпілтті.