Омбы-Майқапшағай тас жолында екі автокөлік қақтығысып қалды, жарақаттанғандар бар, деп хабарлайды Аltaynews.kz тілшісі.
Зайсан қаласына бара жатқан ВАЗ-2171 көлігінің жүргізушісі жол ережесін бұзғандықтан Ауди-С4 шетелдік көлігіне барып соғылды.
«Бұл жол-көлік оқиғасында ВАЗ-2171 көлігінің жүргізушісі мен жолаушысы бастарынан жарақат алды. Ауди-С4 көлігіндегі екі адам да жарақаттанған. Зардап шеккендердің барлығы ауруханаға жеткізілді», делінген облыстық жол полициясы таратқан баспасөз парағында.
Дәл сол күні Шүршітсу-Зайсан бағытындағы тас жолда тағы бір ВАЗ-21014 жеңіл көлігінің жүргізушісі жылдамдықты шамадан тыс асырамын деп көлігін аударып алды. 21 жастағы жүргізуші бас жарақаты және жамбас сынығымен аудандық ауруханаға жеткізілді.
