Омбы-Майқапшағай тас жолында шетелдік көлік пен КамАЗ жүк көлігі соғылды, деп хабарлайды Аltaynews.kz тілшісі.

Облыстық жол полициясы басқармасының мәліметтері бойынша, Омбы-Майқапшағай тас жолының 649 шақырымында жол-көлік апаты орын алды.

Ауди-100 жеңіл көлігінің жүргізушісі жылдамдықты шамадан тыс асырғандықтан рөлге ие бола алмай қалған. Соның кесірінен КамАЗ-5320 көлігіне жанай соғылды.

Жол апатының салдарынан жүргізуші мен шетелдік көліктің салонында отырған 12 жастағы жолаушы жарақат алды.