Шығыс Қазақстан облысында жол апатынан 3 адам қайтыс болды, оның екеуі балалар, деп хабарлайды Altaynews.kz тілшісі.
Облыстық жол полициясының баспасөз қызметінің хабарлауынша, үш адамның өмірін қиып кеткен бақытсыз оқиға Қарағанды-Боғаз бағытының 706 шақырымында тіркелді.
Бапасөз парағында көрсетілгендей, Ауди-80 автокөлігінің 22-жастағы жүргізушісі жылдамдықты шамадан тыс асырудың кесірінен басқаруға ие бола алмай қалған.
Соның салдарынан аударылған көлік жанып кетті. Адам жаны түршігерлік апатта Мамаырсу ауылының үш тұрғыны мерт болды. Олардың екеуі 11 және 14 жастағы балалар, үшіншісі 22 жастағы жолаушы.
Бұдан басқа тағы бір 7 жастағы бала мен 23 жастағы жолаушы, жүргізушінің өзі ауыр жарақаттармен ауруханаға түсті.