Шемонайха ауданы Верх-Уба тірек ауылында екі көшедегі жарықтарды қалпына келтіруге 10 млн. теңге бөлінді. Сондай-ақ, былтыр үш көшені жарықтандыру жұмыстарына 10 млн.теңге бөлініп, толықтай игерілген болатын, деп хабарлайды Аltaynews.kz тілшісі.

Биыл Шемонайха ауданындағы Верх-Уба тірек ауылында «Жұмыспен қамту-2020» бағдарламасы аясында бес тұрғын үй салу жоспарланып отыр. Қазіргі кезде мамандар құрылыс жұмыстарының құжаттарын әзірлеу үстінде.
Демеушілердің көмегімен ауылдағы тұрғын үйлердің қоршаулары жаңартылды. Осы жазда спорт алаңы салынып, іске қосылады.

Өткен жылы Мәдениет үйі және ауыл ішіндегі жолдар жөнделді. Биыл көшелерді жөндеу жұмыстарын жалғастыру үшін 15 млн. теңге бөлінді. Көктемде ауылды көркейту, санитарлық тазарту жұмыстарына шаруашылықтардың басшылары мен жеке кәсіпкерлер жәрдемдесті. Ауылға кіреберіс жол бойына бір жарым мың түп шырша, қайың, үйеңкі көшеттері отырғызылды.

2015 жылы ауылдағы су құбырларын жаңарту жұмыстары жүргізіледі. Қазіргі кезде осы іске байланысты дайындық шаралары қолға алынды.