Қалада ұйымдастырылған «Студент көктемі-2013» фестивалі аясында Семей мемлекеттік педагогикалық институтында «Жігіт сұлтаны» байқауы өтті, деп хабарлайды Аltaynews.kz тілшісі.

Байқауда «Жігіт сұлтаны» атанудан үміткерлердің барлығы негізгі жеті сыннан қаймықпай өтті деуге болады. Осы жеті кезеңде үздік өнер көрсеткен Роллан Кеңесханов «Өнерлі жігіт», Бекзат Мазтаев «Сері жігіт», Олжас Құрманғазиев «Қайратты жігіт», Абылайхан Алмаханов «Жігерлі жігіт» атанды.

Сайыс қорытындысында Қуандық Ибраимов «Жігіт сұлтаны-2013» атағын жеңіп алды.