Семей қаласының Шәкәрім атындағы мемлекеттік университетінің қара шаңырағында 21 ақпан күні гуманитарлық-заң факультетінің ұйытқы болуымен факультетаралық «Жігіт сұлтаны-2014» байқауы өтті.


Жігіттердің білімі мен күш-жігерін, өнерін сынайтын байқауға бойында ар-намысы басым, алаштың өр тұлғалы азаматтары қатысты. Сайысқа қатысқан 6 студент бес түрлі кезеңдер бойынша бақ сынасты. Нәтижесінде гуманитарлық-заң факультетіндегі «Тарих» мамандығының 3 курс студенті Ұлан Бақытжанұлы «Жігіт сұлтаны» деген мәртебеге ие болды.