Облыстық Ішкі істер департаментіне шағым түсірген зейнеткер саяжайдағы үйін өзінің ұлы тонағанын айтқан.
Тексеру барысында полицейлер еш жерде жұмыс істемейтін, тұрақты мекені жоқ ер адамды ұстапты. Оның «тұрақтаған» жерінен саяжайдағы үйдегі су және жылыту жүйесінің бөліктері: үш құбыр, үш металл бұрыш, шойын тақтай мен ұзындығы 6 метрлік қаңылтыр табылған.
Ол ұсталып, уақытша ұстау изоляторына қамалды және түсініктеме беруде. Оның айтуынша, ұрлаған дүниесін алыпсатарларға өткізгісі келген, алайда туған әкесі оның үстінен арыз жазады деп әсте ойламапты.