«Өскемен құс фабрикасының» кәсіпорнына Еуропа мен Ресейден асыл тұқымды балапандар әкелінді, деп хабарлайды Altaynews.kz тілшісі.

Олар өсіп-жетілген соң жұмыртқалары инкубаторлық цехқа жөнелтіледі. Одан шыққан балапандар өсіріліп, сойылады.

Былтыр фабрика 12 мың тонна құс етін өндірген. Биыл өнім көлемін 20 мың тоннаға жеткізбекші. Ол үшін барлық мүмкіндік бар.

Жөнделіп жатқан инкубатор цехында осы жылы 12 миллион жұмыртқа басып шығарылуы тиіс.