Самылтыр қой жайып тұрса, жанына тағы бір қойшы - Сәпи деген ағайындас бауыры келіпті. Амандық-саулықтан соң әңгіме ит-құс жайына ауысады. Сонда Сәпи:
- Ой, Алла-ау, Сәке, адам қасқырды да сағынады екен ғой, қыстай бір қасқыр көрген жоқпын, - деп көсіледі. Дәл осы кезде қарсы бетте жатқан оның отарының ар жағынан шыға келген көкжал бір ешкіні бас салып, сүйрелеп ылдиға түсіп кетеді, Самылтыр мұны көріп тұрса да үндемейді. Ана кісі салдырлап біраз сөйлегеннен кейін:
- Әй, оттап болсаң, бар! Сағынған қасқырың әне жүр, ендігі жеп те болған шығар, - деген екен.
