Ана бір жылы Үржарға жазушы Қабдеш Жұмәділов келіп, әңгіме-дүкен құрдық. Осы өңірдегі қолына қалам ұстап, кітап жазып жүрген ағалар да бар. Бір әредікте:
– Қаба, осы уақытқа дейін сіз бізді алдап келіпсіз ғой!? –дедім.
– Е, неге? – деп Қабаң елең етті.
– Кітап жазу оңай екен ғой. Мына отырған ағаларым жылына бір-екі кітап жазып тастайды. Ал сіз бір кітапты 7- 8 жыл жазам дейсіз, – дедім қалжыңдап. Сонда ол кісі:
– Е, бұлардікі жеті айлық бала сияқты шала туғандар ғой, – деді.