Футболдан Египет құрамасы мен ағылшындық «Ливерпуль» клубының ойыншысы Мұхамед Салах алдағы уақытта каталониялық «Барселона» сапына ауысып қалуы мүмкін, деп хабарлайды Алтайньюс тілшісі aikyn.kz-ке сілтеме жасап.

«Барселона» египеттік футболшыны алдағы жазда қатарларына қосқысы келеді. Бұл ретте испан клубы 26 жастағы футболшы үшін 250 миллион еуро төлеуге дайын. «Барселона» басшылығы мысырлық ойыншыны келешекте Мессидің ізбасары ретінде көргісі келеді. Сондай-ақ клуб өз қатарларына қазір ПСЖ сапында ойнап жүрген Килиан Мбаппені де қосып алуға ниетті.

Осы жазғы трансферлік кезеңде «Барселона» мейлінше сапалы ойыншылармен толықты. Арасында әлем футболының жұлдыздары да бар. Мәселен, соңғы жылдарын «Баварияда» өткізген Артуро Видаль. Одан бөлек, командаға Малкон, Дуглас сынды ойыншылар да келді. Ал клуб басшылығы мундиальдан кейін Паулиньо, Алеш Видаль, Люк Динь, Андрес Иньеста сынды футболшылармен қоштасты.