Қазақстанда тағы үш қытайлық автокөлік маркасын өндіру мүмкіндігі қарастырылып жатыр. Бұл туралы Өнеркәсіп және құрылыс министрі Қанат Шарлапаев Үкімет отырысында мәлімдеді,- деп хабарлайды Altainews.kz тілшісі.

Министрдің айтуынша, жаңа зауыттарда CKD әдісі арқылы өндірілетін көліктерде қазақстандық компоненттердің үлесі біртіндеп арттырылатын болады.

Министрдің сөзіне қарағанда, қазіргі уақытта Changan, Haval, Chery маркаларын шығаратын зауыт құрылысы аяқталуға жақын. Бұл зауытта CKD әдісімен жылына 90 мың автокөлік шығару жоспарланған. Сонымен қатар, 200 миллион долларлық KIA зауытының құрылысы жалғасуда, сондай-ақ Geely, Exeed, КAIYI жеңіл автомобильдерін шығару үшін 150 миллион доллар инвестиция тартылуда.

Саланы одан әрі дамыту үшін автокомпоненттердің отандық өндірісін жолға қою көзделіп отыр. Биыл Алматыда мультимедиялық жүйелер мен автокреслоларды сериялық түрде шығару басталады деп күтілуде.