Өткен жылдан бері мектепке дейінгі ұйымдарда құзыреттілік орталықтары жұмыс істей бастады. Олардың басты мақсаты – жүйеге инновациялық тәсілдерді енгізу және жас мамандарға қолдау көрсету,- деп хабарлайды Altainews.kz тілшісі ҚР Оқу-ағарту министрлігіне сілтеме жасап.

Бұл орталықтарда шығармашылық педагогтер тобы табысты тәжірибелерімен бөлісіп, жаңа идеялар ұсынады, сондай-ақ өзекті тақырыптар бойынша тренингтер мен семинарлар ұйымдастырады. Педагогтер осындай іс-шаралар арқылы ресурстық қолдау алып, білім беру әдістемелерін жетілдіруде.

Қазіргі уақытта елімізде 180 құзыреттілік орталығы жұмыс істейді. Оның 94-і қалада, 86-сы ауылдық жерлерде орналасқан. Бұл орталықтар педагогтердің кәсіби өсуіне қолдау көрсетіп, мектепке дейінгі білім беру сапасын арттыруға септігін тигізуде.