29 қазан күні қазақстандық «Барыс» командасы Құрлықтық хоккей лигасындағы кезекті ойынын Елордада Қытайдың «Куньлунь Ред Стар» (Бейжің) командасына қарсы өткізеді,- деп хабарлайды Altainews.kz тілшісі Kazinform.kz порталына сілтеме жасап.

Ойын Астана уақытымен 19:00-де басталып, «Qazsport» телеарнасынан тікелей эфирде көрсетіледі.

Екі команда бұған дейін 25 рет кездесу өткізген. Оның 19-ында «Барыс» жеңіске жетсе, қалғанында қытайлық клуб басым түсті. Соңғы бес кездесудің үшеуінде де қазақстандық клуб өз қарсыласынан айласын асырды.

«Барыс» алдағы үш кездесуін де Елордада өткізеді:

• 3 қарашада Ресейдің «Нефтехимик» (Нижнекамск);
• 5 қарашада «Ак Барс» (Қазан); 
• 7 қарашада «Автомобилист» (Екатеринбург) командаларымен ойнайды.