Катонқарағай аудандық полиция бөлімінің бастығы Ерлан Сейілханов Үлкен Нарын орта мектебінің кадетшілерінен ант қабылдады. Жасөспірімдер полиция полковнигіне саптық түзеуді, оқу автоматтарын меңгеру деңгейін көрсетті, деп хабарлайды Алтайньюс тілшісі.

– Оқушыларды кадеттерге қабылдау - ант қабылдауы маңызды кезең болып табылатын негізгі тәрбиелік іс-шаралардың бірі, - деді Ерлан Сейілханов.

Ата-аналарының, достарының және полицейлердің қатысуымен өткен рәсімде кадет сыныбы оқушыларының әрқайсысы Отанға мінсіз қызмет етуді зор мақтанышпен жеткізді. Қару қолдана отырып, сапқа тұру барысында оқу жылының басынан бері балалардың дайындық деңгейі жоғары екені байқалды.

Салтанатты іс-шара барысында құқық қорғау қызметкері оқушыларды ант қабылдауымен құттықтап, оларға еліміздің лайықты азаматтары болуға тілек білдірді. Ал Үлкен Нарын орта мектебінің әкімшілігіне өскелең ұрпаққа патриоттық тәрбие беру ісіне ерекше көңіл бөлгені үшін жеке алғыс айтылды.

Полицейлер кездесу соңында оқушыларға кадет куәліктері мен естелік сыйлықтарды салтанатты түрде табыс етті.