Өскемен әкімі Жақсылық Омар қала тұрғындарымен 6 мәрте кездесу өткізіп, олардың арыз-шағымын тыңдауға әзір, деп хабарлайды Алтайньюс тілшісі.

Қала басшысының алғашқы кездесуі 4 ақпан күні сағат 10.00-ге жоспарланып отыр. Бұл күні арыз-шағым айтамын деген ЖМК ауданы, Күленов және Жыланды кенті мен сол жағалаудың өзге де тұрғындары Комсомол көшесі 31/3 мекенжайындағы №47 мектептен табылуы тиіс.

Дәл осы күні сағат 16.00-де қала басшысы Меновное орта мектебінде Прудхоз, Самсоновка, Меновное, Новотроицкое, Ахмер және 28-аудан тұрғындарымен жүздеседі.

Үшінші кездесу 5 ақпан күні 16.00-де Оқушылар шығармашылық сарайында өтеді. Бұл жерге Октябрь және Аблакетка шағынаудандарының тұрғындары келе алады.

Ал 6 ақпанда сағат 10.00-де Металлургтер мәдениет сарайына осы маңдағы тұрғындар мен Прохладный, Кирзавод және Әуежай шағынауданындағылар қала басшысымен жүздесуге келеді.

Дәл осы күні Жақсылық Омар «Өскемен ТМК» ЖШС-ның мәдениет үйінде Согра және Жаңа Согра кентіндегі тұрғындардың арыз-армандарын тыңдайды.

Қала тұрғындарымен қортынды кездесу 7 ақпанда кешкі сағат 16.00-де Өскемен әкімдігінің конферен-залында өтеді. Бұл жердегі шараға қала әкіміннен бөлек қалалық мәслихат депутаттары мен қоғамдық бірлестік өкілдері қатысады.