Қазақстанда бұрынғы уақыт белдеуі қайтарыла ма: министрліктің петицияға қатысты жауабы
Фото: maginarius.ru
Сауда және интеграция вице-министрі Қайрат Төребаев интернетте Қазақстандағы біртұтас уақыт белдеуіне қарсы петицияға қатысты пікір білдірді, деп хабарлайды Altainews.kz сайты Tengrinews.kz-ке сілтеме жасап.
Мәжіліс кулуарында шенеунік министрлік ескертулерді мұқият қадағалап отырғанын айтты.
«Мәселе мынада, ережеге сәйкес, алдымен петиция нәтижесін күтуіміз керек, содан кейін бұл нәтижелерді қараймыз. Қазір бұл туралы айтуға ерте. Қазір бұған қатысты министрліктің ұстанымын жариялау мүмкін емес – басқа мемлекеттік органдармен бірге ведомствомыз қабылдаған ресми ұстанымды ұстанамыз», - деді вице-министр.
Төребаевтың айтуынша, петиция бойынша шешім желтоқсанда қабылданады.
«Оны барлық мемлекеттік органдармен қарастырамыз. Қазір желтоқсанда шешілетін мәселені болжамды түрде талқылаймыз. Егер шекті 50 мың дауыс шамасына жетсе, үкіметте жұмыс қайта басталады, петицияны қанағаттандыру немесе қазіргі сағаттық режимді қалдыру мәселесін қарастырады», - деп қосты Төребаев.
Оқи отырыңыз
Сағадиев медициналық университеттен шығарылған 117 студентке қатысты пікір білдірдіМинистр зейнетақы қорындағы бұрынғы жеткілікті шекті сақтауға қатысты пікір білдірдіМинистр карантин режимін ұзартуға қатысты пікір білдірдіУақыт белдеуі өзгергенде мектептерде сабақ уақыты ауыса ма?Вице-министр: Мұғалімдерге үстеме ақы беріледі
