Шығыс Қазақстанда ескі және апатты тұрғын үй мәселесі қолға алынбақ. Аймақ басшысы осындай тапсырма берді.

ШҚО әкімі Ермек Көшербаевтың төрағалығымен өткен облыс әкімдігінің активінде маңызды әрі өзекті мәселелер талқыға түсті. Жиында жылыту маусымына дайындық, ауызсумен қамту, тұрғын үй құрылысы, денсаулық сақтау, білім беру және интернетпен қамту мәселелері қаралды, деп хабарлайды Altaynews.kz сайты Didar ақпаратқа сілтеме жасап.

Өңір басшысы құрылысты кешенді түрде жүргізу керек екеніне көңіл аударды, салынып біткен нысанның автотұрағы да, кіреберіс жолдары да, абаттандырылған алаңы да болуға тиіс.

Бұдан басқа, Ермек Көшербаев мемлекеттік сәулет-құрылыс бақылау басқармасы халықпен пәтерлерді броньдау шарттарын жасасатын компаниялармен айналысуға тиіс екеніне тағы да назар аударды, бұл заңсыз және мұндай құрылыс ұйымдарына шара қолданып, ал халықпен түсіндіру жұмыстарын жүргізу қажет.