KZ
Өскемен
+21°
небольшая облачность жел 4 м/с, З
478.96 533.03 5.22

Қазақстанда жалпыұлттық халық санағы басталды

2.09.2021, 09:29 222

2021 жылдың 1 қыркүйегінде Қазақстанда жалпыұлттық халық санағы басталды. Бұл тәуелсіздік алғалы бері үшінші рет өткізілгелі отырған халық санағы, - деп хабарлайды Ұлттық статистика бюросының баспасөз қызметі.

"1 қыркүйектен 15 қазанға дейін халық санағынан онлайн түрде sanaq.gov.kz сайтынан өтуге болады. Сайт тәулік бойы жұмыс істейді", - дейді Ұлттық статистика бюросының басшысы Нұрболат Айдапкелов.

Онлайн санақтан өтпегендер үшін 1-30 қазан аралығында үйлерді аралап, санақ жүргізу басталады. Дәстүрлі кезеңнің басты жаңалығы санақ жүргізетін қызметкерлер электрон планшеттерді қолдануы болмақ.

Халық санағы 91 сұрақтан тұрады. Алайда, бұл барлық сұраққа жауап беру керек дегенді білдірмейді. Өйткені сауалнамаларда шетелге кеткен немесе елге келген адамдарға арналған сұрақтар бар. Сондай-ақ, тұрғын үйлердің жай-күйі туралы сұрақтар бар, оларға тек иелері ғана жауап береді. Сонымен қатар, тек әйелдерге арналған сұрақтар да бар. Орташа алғанда, санақ сұрақтарына жауап беру үшін 20-25 минут қажет.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив