Үкімет отырысының қорытындысы бойынша өткен брифингте Премьер-министр Олжас Бектенов әлеуметтік сала шығындарына қатысты журналистердің сауалына жауап берді, деп хабарлайды Altainews.kz Primeminister.kz сайтына сілтеме жасап.

Республикалық бюджеттің 50 пайыздан астамы жыл сайын әлеуметтік салаға бағытталады. Бұл қаражат зейнетақылар, бюджеттік сала қызметкерлерінің еңбекақысы, көпбалалы және аз қамтылған отбасыларға, мүмкіндігі шектеулі азаматтарға берілетін жәрдемақылар, сондай-ақ мектептер мен ауруханалар құрылысы, инфрақұрылымды дамыту сияқты бағыттарға жұмсалады. Үкімет бұл салада кешенді, жүйелі жұмыс жүргізіп келеді.

Сонымен қатар қазіргі таңда бөлінетін қаражаттың тиімді жұмсалуына бақылау күшейтілді. Бірқатар параметрлер мен тәсілдер қайта қаралып жатыр.

Премьер-министрдің айтуынша, жүргізілген талдау барысында қолдау шараларын теріс пайдалану деректері анықталған. Бұл – әлеуметтік әділеттілік қағидаттарына қайшы.

Фото: primeminister.kz