ШҚО қорғаныс істері жөніндегі департаментінде мерзімді әскери қызметке шақыру науқаны жалғасып жатыр. Өскемен гарнизонында мерзімді әскери қызметке шақыру науқаны 1 наурыздан басталды.

Өскеменнен әскерге аттанатын жігіттер Отан алдындағы борышын түрлі күштік құрылымдарда өтейді. Азаматтарды әскерге шақыру талабына сәйкес, жергілікті әскери басқару органдарына іріктеу жұмыстарын жүргізу жүктелген, деп хабарлайды Altaynews тілшісі.

Маңғыстау облысындағы әскери бөлімде теңіз жаяу әскері сапында Отан алдындағы борышын өтейтін сарбаздар үшін «Әскерге шақырылушылар күні» аясында құрмет көрсетіліп, мерекелік концерт өтті. Шарада Қазақстан Қарулы күштерінің аға буын өкілдері жастардың әскери қызметтегі алғашқы қадамымен құттықтап, ақ баталарын берсе, соңында болашақ сарбаз сүйіктісіне үйленуге ұсыныс жасады.

Отан алдындағы парызын өтеуге аттанған болашақ сарбаздар ел жастарын әскери міндетті өтеуге шақыруда.

Тексеру комиссиясынан сүрінбей өткен жастар үшін Металлургтер мәдениет сарайында мерекелік шара ұйымдастырылды. Салтанатты шараға облыс әкімінің орынбасары қатысып, сәт-сапар тіледі.

3 күн уақыт мерзімінде медициналық комиссияның бақылауынан өтетін болашақ сарбаздар тиісті әскери бөлімдерге бөлінген.