«Қазгидромет» ШҚ филиалының мәліметінше, 23 маусымда облыстың солтүстік-шығысында найзағай ойнап, бұршақ жаууы мүмкін.  Облыстың солтүстігі мен шығысында солтүстік-батыстан жел соғып, жылдамдығы 15-20 м/с болады.

Аймақтың шығысында төтенше өрт қаупі сақталады, деп хабарлайды Altaynews тілшісі.
Өскемен қаласында таңертең және күндіз найзағай күтіледі.

Осындай күн райы кезінде сақтық шарасын орындау қажет.

Найзағай кезінде далада жүруге болмайды. Электр желілері, биік ағаш, металл қоршау, болат құбыр, рельстер және басқа электр өткізгіштерден аулақ болған жөн.
Төтенше жағдай кезінде «101» және «112» телефондарына хабарласу қажет.