Өскеменде жанжалдасқан оқушылардың бірі екіншісіне пышақ салды (видео)
Фото: ШҚО ПД
Облыс орталығындағы орта мектептердің бірінде жасөспірім қарсыласына және өзінің денесіне пышақпен жарақат салған.
ШҚО полицейлері бұзақылық фактісі бойынша сотқа дейінгі тергеу амалдарын бастады, деп хабарлайды Altainews.kz тілшісі.
Полицейлер анықтағандай, оқушылар өзара сөзге келіп калған, жасөспірімнің бірі жиналмалы кәдесый пышақпен қарсыласына және өзіне дене жарақатын салған.
- Қазіргі уақытта істің барлық мән-жайы анықталуда, бақылау камераларының бейне жазбалары зерттелуде, қауіпсіздік шараларын күшейту бойынша профилактикалық жұмыстар жүргізілді. ҚР ҚПК-нің 201-бабына сәйкес басқа ақпарат жариялауға жатпайды, - деді департаментте.
Оқи отырыңыз
