Елімізде жеке куәліктердің дизайны өзгереді
Фото: gov.kz
ІІМ Қазақстан Республикасы азаматының жеке куәлігіне өзгерістер дайындады, деп хабарлайды Altainews.kz тілшісі Zakon.kz сайтына сілтеме жасап. Атап айтқанда, жеке куәлікте адамның жынысы туралы ақпаратты визуалды аймақта көрсету ұсынылады.
– Жеке куәліктің беткі жағында куәлік иесінің фотобейнесі, қолы және дербес деректері: тегі, аты, әкесінің аты, туған күні, жынысы, жеке сәйкестендіру нөмірі орналасады, – делінген құжатта.
Сонымен қатар куәліктің сыртқы жағында штрих-код түрінде кодталған ЖСН, микросхеманың байланыс бөлігі, куәлік иесінің туған жері, ұлты, азаматтығы туралы дербес деректері, сондай-ақ куәлікті берген орган, берілген күні, қолданылу мерзімі туралы мәлімет орналасады.
Куәлікте ұлт азаматтың жеке қалауы бойынша көрсетіледі.
Құжат 21 мамырға дейін ашық талқылау үшін Ашық НҚА сайтында орналасқан.
Оқи отырыңыз
