Мопедті қалай тіркеуге болады: 2025 жылдан бастап күшіне енетін жаңа ережелер
pexels.com
2025 жылдың 5 сәуірінен бастап мопедтер ресми түрде механикалық көліктер санатына енгізіледі,- деп хабарлайды Altainews.kz тілшісі Polisia.kz порталына сілтеме жасап.
Бұл өзгерістерге сәйкес мопедтерді пайдалану үшін бірқатар талаптар қойылады. Полицияда тіркелу, А1, А немесе В санатындағы жүргізуші куәлігі, техникалық тексеру және азаматтық жауапкершілікті сақтандырудан өту міндеттеледі.
Мопедті тіркеу үшін тұрғылықты жері бойынша арнайы ХҚКО-ға жүгіну қажет. Құжаттар қатарында жеке куәлік және мопедтің техникалық құжаты немесе сипаттамалары болуы тиіс. Өтінішті толтырып, мопедті тексерістен өткізіп, мемлекеттік баждарды төлеу керек.
– Маңызды: 5 сәуірден бастап тіркелмеген мопедтерді пайдалануға, жүргізуші куәлігінсіз жүруге тыйым салынады. Бұзушылықтарды болдырмау үшін мопедті алдын ала тіркеп, жүргізуші куәлігін алуды ұсынамыз, – деді ІІМ әкімшілік полиция комитетінің ерекше тапсырмалар жөніндегі аға инспекторы Арай Төлегенқызы.
Оқи отырыңыз
Мопед мен мотоцикл жүргізушілеріне арналған жаңа ережелер қабылданды2025 жылы тәртіп бұзған мопедшілер қанша айыппұл төлейді?Жүргізуші куәлігін алу қазақстандықтар арасында танымал курортта жеңілдетіледіЖүргізуші куәлігін қалай алуға және айырбастауға болады?Жүргізуші куәлігін онлайн ауыстыру қалай жүзеге асырылады?
