Бүгін, 14 сәуірде, Шығыс Қазақстан облысында және еліміздің бірқатар өңірлерінде ауа райы құбылмалы сипатта болады. Синоптиктердің мәліметінше, ШҚО-да жаңбыр жауып, найзағай ойнауы мүмкін. Ауа температурасы күндіз 21°C дейін көтеріліп, түнде 2°C шамасында болады.

Еліміздің басқа аймақтарында да атмосфералық фронттардың өтуіне байланысты тұрақсыз ауа райы күтіледі. Павлодар, Қарағанды, Алматы, Абай, Жетісу және Ұлытау облыстарында жаңбыр жауып, найзағай ойнауы ықтимал. Сонымен қатар, желдің күшеюі және тұман түсуі мүмкін.