Еліміздің Ішкі істер министрлігі интернет пен цифрлық сервистерді қолданғанда қауіпсіздік ережелерін сақтау туралы түсіндіру жұмыстарын күшейтуде, деп хабарлайды Altainews.kz тілшісі.

Polisia.kz мәліметінше, ІІМ «Қазақтелеком» және «Мобайл Телеком-Сервис» компанияларымен бірлесіп, ауқымды хабарландыру жүргізді. Соның аясында Tele2 және Altel байланыс абоненттерінің 7,8 миллионнан астамына SMS-хабарлама жіберіліп, киберқауіпсіздік бойынша негізгі кеңестер еске салынды.

Бұл акцияның басты мақсаты – интернет-алаяқтықтың алдын алу және азаматтардың цифрлық сауаттылығын арттыру.