21 ақпанда ШҚО-ның үш ауданы мен облыс орталығындағы мектептерде аязға байланысты сабақ онлайн өтетін болды, деп хабарлайды Altainews.kz тілшісі.

ШҚО ТЖД ақпараты бойынша, Шемонаиха ауданында ертең ауа температурасы минус 35-40 градусқа дейін төмендейді. Осыған байланысты бірінші және екінші ауысымдағы 0-11 сынып оқушылары қашықтан оқиды. Сондай-ақ Ұлан және Глубокое аудандарында да аязға байланысты барлық мектептер онлайн оқуға көшеді.

Өскемен қаласында бірінші және екінші ауысымдағы 0-11 сынып оқушылары үйден оқиды. Бұл күні қосымша білім беру мекемелеріндегі үйірмелер мен секциялардың сабақтары да онлайн өтеді.