ШҚО-да су тасқыны кезеңіне дайындық жұмыстары жалғасып жатыр
Облыс аудандарында ШҚО ТЖД мамандары, әкімдік және басқа да мүдделі органдардың өкілдері кіретін топтар құрылды.
Департаменттің ақпараты бойынша, жұмыс тобының мүшелері қардың шығарылуын бақылайды, ағын су кәрізін, гидротехникалық құрылыстардың жай-күйін, қажетті материалдық-техникалық құралдардың дайындығын тексереді, деп хабарлайды Altainews.kz тілшісі.
- Сондай-ақ, кәсіпкерлермен азық-түлік және дәрі-дәрмек, тұрмыстық тауарларды жеткізуге, көлік қызметтерін көрсетуге, жанар-жағармай жеткізуге келісім-шарттар жасалғаны тексеріледі. Бұл жұмыс төтенше жағдай кезінде уақтылы әрекет етуге және кемшіліктерді уақытында жоюға мүмкіндік береді, - деп түсіндірді ШҚО ТЖД.
Айта кетейік, әкімдіктер мен ауылдық округтерде тәулік бойы кезекшілік ету кестесі, сондай-ақ су тасқыны кезеңінде төтенше жағдай болғанда халықты хабардар ету схемасы белгіленген.
- Жалпы өңірде жергілікті атқарушы органдар 416 су өткізу құрылыстарын, ұзындығы 38,9 км 15 каналды және ұзындығы 51,8 км болатын 85 арықты тазартты, 98,76 мың текше метр қар шығарылды, 44 285 дана қапшық, 5984 тонна инертті материал және 457,22 тонна жанар-жағармай дайындалды, - деп хабарлады Төтенше жағдай департаментінің баспасөз қызметі.
Айжанат Бақытқызы
Фото: ШҚО ТЖД
Оқи отырыңыз
