29 наурызда күннің күрт жылынып, жаңбыр жаууы салдарынан еріген қар суының деңгейі 20-25 см-ге дейін көтеріліп, Үлкен Нарын ауданының орталығы Үлкен Нарын ауылында 11 үйдің, Алтынбел ауылында 10 үйдің ауласына қызылсу жайылды.

Жергілікті атқарушы биліктің және  ТЖД-ның,  әскери бөлім қызметкерлерінің күшімен тасқын суды елді мекеннен тысқары бұру, топырақ төгу, арықтарды кеңейту және  құм салынған қаптарды төсеу жұмыстары жүргізілуде. Су алған учаскелерде мотопомпалар жұмыс істеп тұр, деп хабарлайды Altainews.kz тілшісі.

Сонымен қатар қарғын су осы ауданның Жаңа Хайрузовка, Көкбастау, Жұлдыз ауылдарына да қауіп төндірген болатын, алайда жауапты орындар жедел әрі жұмыла әрекет етіп, еріген қар суының арнасын елді мекендерге жеткізбей бұрып тастады.

Айта кетейік, бүгінде барлық қызмет күшейтілген жұмыс режиміне көшірілген.