KZ
Өскемен
+20°
небольшая облачность жел 1 м/с, С
465.28 499.2 5.33

ШҚО-дағы су қоймалары штаттық режимде жұмыс істеп тұр

t.me/QR_Su_resurstari_ministrligi

7.04.2024, 09:00 129 Назерке Каримова

ҚР Су ресурстары және ирригация министрлігі елдің су қоймаларындағы жағдай туралы мәлімдеді, деп хабарлайды Altainews.kz сайтының тілшісі.

Министрлік ақпараты бойынша, еліміздің су қоймаларындағы казіргі су ағыны 1980 - жылдан бастап ең ірі болып табылады.

Ақмола облысындағы екі ірі су қоймасы орта есеппен 99%-ға толды, екі нысан да транзиттік режимде жұмыс істеп жатыр.

Ақтөбе облысындағы екі ірі су қоймасының су жинау көрсеткіші орта есеппен 95%-ды құрайды. Нысандар штаттық режимде жұмыс істеуде, су ағынының азаюы байқалады.

Шығыс Қазақстан облысындағы бес ірі су қоймасының орташа су жинау көрсеткіші 62%, олардың барлығы штаттық кестеге сай жұмыс істеп жатыр.

Батыс Қазақстан облысында 4 ірі су қоймасы орта есеппен 59%-ға толы және штаттық режимде жұмыс істеуде.

Қарағанды облысының төрт ірі су қоймасы бойынша су жинау көрсеткіші 98%. Өңірде су тасқыны кезеңі өтті.

Қостанай облысындағы екі ірі су қоймасы орта есеппен 95%-ға толды. Аймақта су тасқыны байқалады.

Солтүстік Қазақстан облысының екі ірі су қоймасы 100% толды.

- Су объектілерінде жедел іс-шаралар қабылдау үшін тәулік бойы кезекшілік ұйымдастырылып, су шаруашылығы жағдайына үздіксіз мониторинг жүргізіледі. Министрліктің 1000-нан астам маманы мен 280 бірлік техникасы жұмылдырылды, - деді министрліктің ресми өкілі Мөлдір Абдуалиева.

Сондай-ақ, Қазақстан мен Ресей су тасқыны және гидротехникалық нысандардың жұмысы туралы жедел ақпарат алмасуда.

- ҚР Су ресурстары және ирригация министрі Нұржан Нұржігітов Ресей су ресурстары федералды агенттігінің басшысы Дмитрий Кирилловпен телефон арқылы тұрақты байланыста. Тараптар гидротехникалық нысандардың апатсыз жұмысын қамтамасыз ету үшін екі елдің шекаралас аймақтарындағы су тасқыны жағдайын жіті бақылауда ұстап отыр, - деді Мөлдір Абдуалиева.


Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив