Көкпекті-Самар-Васильев өткеліндегі жол қалпына келтірілді
"ОблШығысЖол" ЖШС
Облыстық маңызы бар жолдың 43-ші шақырымындағы жол бөлігі жөнделіп, су өткізгіш құбыр орнатылды, деп хабарлайды Altainews.kz сайтының тілшісі.
Мәжіліс депутаты Ерлан Саиров Самар ауданында болып, тасқын басқан жерлерді көрді.
- Көкпекті-Самар тас жолының бір бөлігін су алған. Жол жөндеу кәсіпорны түні бойы жедел жұмыстар жүргізіп, труба салып, жолды жөндеп, қайта ашты, - дейді Ерлан Саиров. – Шығыс Қазақстан облысындағы апаттық жағдайлар жедел түрде шешіліп жатыр.
Естеріңізге сала кетейік, Көкпекті-Самар-Васильев өткелі жолына қарғын су жайылған болатын. Облыстық маңызы бар жолдың 43-ші шақырымында диаметрі 1,5 метр су өткізгіш құбыр болған, алайда ол қарғын суға төтеп бере алмай қалған.
Мамандар бұл аумақтағы көлік қозғалысын тоқтатып, суды бұрып, құбыр қалдығын бөлшектеді.
Қазір көлік қозғалысы үшін жол ашық.
00:00
00:00
Оқи отырыңыз
