Алтай ауданының Крестовка ауылындағы Крестовка өзенінің арнасынан асуы салдарынан 2х2 метрлі түтікшелі құбырды су шайып кетті.

Көлік қатынасынсыз 16 адам тұратын 8 үй қалды, олардың арасында оқушы жоқ, деп хабарлайды Altainews.kz тілшісі. 

Үйлер биік жерде орналасқандықтан, судан келер қатер жоқ, дейді мамандар.

Жергілікті атқарушы билік органдарының мәліметінше, тұрғындар азық-түлікпен қамтамасыз етілген. Округ әкімі М.Қабанбаев жергілікті тұрғындармен үнемі байланыста.

Құбырдың өне бойы бұзылмаған және су деңгейі төмендегеннен кейін дереу ауылмен байланысты қалпына келтіру жұмыстары қолға алынатын болады.