KZ
Өскемен
+26°
переменная облачность жел 2 м/с, ОБ
443.44 480.51 4.88

Өскемен гүлге оранады

фото: the-steppe.com

17.04.2024, 16:06 118 Айна Ескенқызы

Биыл облыс орталығында алғаш рет гүлмен безендірудің аралас композициясын іске асырып көрмек, деп хабарлайды Altainews.kz тілшісі.

Өскемен қалалық  тұрғын үй-коммуналдық шаруашылығы, жолаушылар көлігі және автомобиль жолдары (ТҮКШ) бөлімінің хабарлауынша, ауа райы тұрақталғаннан кейін жаңа маусымда  қала билігі біржылдық және көпжылдық гүлдердің үйлесімінде гүлзарлар жасауды жоспарлап отыр.

– Аралас гүлзарларды сегіз учаскеге бөлу жоспарланған. Мұнда шырайгүл, цинерария, целозия, барқытшөп, нарқайсар (вербена) сияқты және басқа да біржылдық гүлдердің комбинациясы, сондай-ақ көпжылдық гүлдер – шығыс гүлі (гортензия), жыланқияқ (ирис), анемон, таушымылдық (пион)  және басқалары пайдаланылады, – деп атап өтті Өскемен қаласының ТҮКШ, жолаушылар көлігі және автомобиль жолдары бөлімінде.

Бөлімде биыл облыс орталығында жыл сайынғы гүлзарлардан бөлек басқа жерлерге де гүлдер егу қарастырылып отырғанын айтты.

Сонымен қатар, қурап және үсіп қалған раушан гүлінің өскіндерін кескеннен кейін олардың орнына Ұлы Отан соғысы жауынгерлеріне арналған ескерткіштің, облыс әкімдігінің, НЗМ, амфитеатрдың және қала әкімдігінің маңына раушан гүлінің жаңа көшеттері егілетін болады.

Жалпы, биыл жазда гүлзарлардың жалпы көлемі 20 мың шаршы метр болмақ, бұл өткен жылмен салыстырғанда 25%-ға артық. Өскеменде көгалдар да осындай аумаққа егіледі.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив