Шығыс Қазақстанда алты спорт кешені салынып жатыр
фото: depositphotos.com
2024 жылғы 1 қаңтардағы жағдай бойынша Шығыс Қазақстанда 1 687 спорт нысаны жұмыс істесе, оның басым бөлігі, яғни 1 166-ы ауылдық жерде орналасқан екен.
Бұл туралы облыстық денешынықтыру және спорт басқармасы басшысының орынбасары Серік Қусумбаев мәлім етті. Оның айтуынша, былтыр облысымызда 15 спорт нысаны пайдалануға берілген, деп хабарлайды Altainews.kz тілшісі.
Ол, сонымен қатар 2024 жылы жалпы құны 2,3 миллиард теңге болатын төрт жобаны қаржыландыруға қолдау көрсетілгенін айтты. Оның ішінде Тарбағатай ауданының Ақжар ауылында денешынықтыру-сауықтыру кешенін салу және Орталық стадионын реконструкциялау, сондай-ақ, Зайсанның Жарсу ауылында мектептің спорт корпусы мен Айнабұлақ ауылында спорт модулін салу жобалары бар.