Күршім ауданының әкімі Алмат Ақышов аудандағы мәдениет және спорт саласының жай-күйімен таныстырып, жоспарланған жобалар туралы айтты. Оның хабарлауынша, қазіргі таңда ауданда бірнеше нысанда құрылыс жұмыстары мен жөндеу жұмыстары жүргізіліп жатыр.

Солардың бірі – Марқакөл ауылында құрылысы жүргізіліп жатқан денешынықтыру-сауықтыру кешені, деп хабарлайды Altaynews тілшісі.

Қазіргі таңда Күршім ауданында 28 клуб пен 22 кітапхана жұмыс істейді. 2023 жылы 10225 мың көрерменді қамтыған 122 мәдени іс-шара өткізілген.

Аудан бойынша кітап қоры – 196159 дана, оның 112667-сі мемлекеттік тілде. Оқырман саны – 2120.

Ауданда 203 спорттық нысан бар, оның 35-і – спорт зал. Балалар мен жасөспірімдер спорт мектебінде күнделікті оқу-жаттығу жұмыстары тұрақты жүргізілетін көрінеді.

Бүгінгі таңда Марқакөл ауылында денешынықтыру-сауықтыру кешенінің және Қалжыр ауылында спорт модулінің құрылысы жүргізіліп жатыр.

Былтыр Бурабай ауылдық округіне қарасты Теректібұлақ және Қойтас ауылдық клубтарына ағымдағы жөндеу жұмыстары жүргізілген.