Алтай ауданы, Малеев кенті маңындағы Хамир өзенінде 1967 және 1964 жылдары туған екі ер адам мінген қайық аударылып қалды. Өзеннің қатты ағысы оларды Бұқтырма өзеніне қарай ағызып алып кеткен, деп хабарлайды Altainews.kz тілшісі. 

Шұғыл көмекке келген МӨБ-2 құтқарушылары екеуін Зайчиха шатқалындағы Малеев көпірінен 5 км жерден тауып, ағынды судан алып шықты. Азаматтарға медициналық көмек қажет емес.     

ШҚО ТЖД мамандары қайықпен жүзген уақытта қауіпсіздік шараларын қатаң сақтауды сұрайды.

Төтенше жағдай кезінде 112 нөмірі бойынша хабарлаңыз.