«Жасыл аймақ»: Шығыста 20 мың көшет егіледі
Фото: novyjput.ru
Шығыс Қазақстан облысында «Таза Қазақстан» акциясына 80 мыңнан астам адам қатысып, 6 мың тоннадан астам қоқыс жиналды, деп хабарлайды Altainews.kz тілшісі.
Мемлекет басшысының тапсырмасы аясында осы жылдың 6 сәуірінен бастап «Таза Қазақстан» республикалық экологиялық акциясы басталғаны белгілі.
– ШҚО-да науқан басталғалы бері сенбіліктерге 80 мыңнан астам адам қатысты. 4 мыңнан артық техника жұмылдырылды. 21,4 мың ауладан 6,4 мың тонна қатты тұрмыстық қалдық шығарылды, – деді энергетика және ТҮКШ басқармасының басшысы Нұрлан Рамазанов облыстық әкімдіктің кезекті отырысында.
«Киелі мекен» апталығы кезеңінде, яғни 15-20 сәуір аралығында 161 саябақ, 136 тарихи-мәдени орын тазартылды.
Ертеңге дейін жалғасатын «Жасыл аймақ» апталығы аясында ШҚО елді мекендерінде орман шаруашылықтары тегін таратқан 20 мың көшет егілмек.
Жалпы, өңірді көгалдандыру жоспарына сәйкес биыл 123,2 мың ағаш отырғызу жоспарланған.
– Қалалар мен аудандарда сенбіліктерге тек коммуналдық қызметтер мен мемлекеттік мекемелер қатысуда. «Таза Қазақстан» акциясына тұрғындарды да тарту қажет, – деді басқарма басшысы.
Оқи отырыңыз
