Полицейлер есірткі курьерінен шамамен 340 грамм гашиш тәркіледі. Күдікті қамауға алынды, деп хабарлайды Altainews.kz тілшісі.

Облыстық полиция департаменті баспасөз қызметінің хабарлауынша, көрші облыстың 28 жастағы тұрғыны Шығыс Қазақстан аумағында аса ірі мөлшерде есірткі сатуға тырысқан.

Ұстау кезінде жедел уәкілдер оның көлігінің салонынан жалпы салмағы шамамен 340 грамм өсімдік тектес есірткі затын (гашиш) тәркіледі.

Тәртіп сақшылары есірткі заттарын сату мақсатында сақтау және тасымалдау фактісі бойынша қылмыстық іс қозғады.