Барлықта медпункт салынып жатыр - Катонқарағай
Катонқарағай ауданының Барлық ауылында медпунктің құрылысы жүріп жатыр. Нысан Мемлекет басшысының ауылдық денсаулық сақтауды жаңғырту жөніндегі тапсырмасы шеңберінде салынуда.
Медпункт ауыл тұрғындарына алғашқы медициналық көмек көрсетуге, вакцинациямен, дәрі-дәрмекпен қамтуға арналған. Кең әрі жарық ғимарат медициналық құралдармен, бала денсаулығы кабинетімен, заманауи процедуралық, терапиялық кабинеттермен жабдықталады. Бұл мекемеде ауылдық округтің 200-ден астам тұрғыны көмек ала алады.
Облыстық денсаулық сақтау басқармасы өкілінің айтуынша, пункт құрылысына республикалық және облыстық бюджеттен 172 млн теңге бөлінген. Мердігер – «ГрадСтройСервис» ЖШС. Құрылыс маусым айында басталған, қыркүйектің соңында аяқталмақ.
Аудан әкімінің міндетін атқарушы Расул Қарабалинов, Катонқарағай аудандық ауруханасының бас дәрігері Гүлмира Сәкенова құрылыс барысын бақылап қайтқан.