Биыл Өскемендегі 35 аула абаттандырылады
pixabay.com
«Халық қатысатын бюджет» бағдарламасы аясында Үлбі кентіндегі балалар алаңын абаттандыру жұмыстары аяқталды.
Өткен жылы Үлбі кентінің тұрғындары қала әкімі Жақсылық Омармен кездесуде балалар алаңын салып берді сұраған. Тұрғындардың өтініші ескеріліп, биыл жаңа ойын аланы ашылды, деп хабарлайды Altainews.kz тілшісі.
- 2024 жылы 35 аула учаскесін абаттандыру бойынша жұмыстар жүргізілуде, оның ішінде 19 аула кешенді түрде абаттандырылып, 14 аулаға балалар алаңы орнатылмақ (4 учаскеде жұмыстар аяқталды), - деп хабарлайды Өскемен қаласының әкімдігі. - Сондай-ақ, 3 футбол алаңын (Назарбаев даңғылы, 6, Щербаков көшесі, 21 тұрғын ауданы) салу жұмыстары аяқталды.
Ағымдағы жөндеу жұмыстары аясында Комсомол аралындағы және Защита тұрғын ауданындағы футбол алаңдарын абаттандыру, «Өскемен» аллеясы мен балалар алаңдарын жөндеу жұмыстары жүргізілуде.
Оқи отырыңыз
