Облыс орталығында «Халық қатысатын бюджет» жобасы аясында аулаларды кешенді абаттандыру жұмыстары жалғасуда, деп хабарлайды Алтайньюс тілшісі.

Өткен аптада Өскемен қаласындағы екі ауланы абаттандыру жұмыстары аяқталды. Атап айтқанда, Челюскин, 1 және Тынышпаев, 139 мекенжайларында балалар алаңы, спорт алаңы және аула тұрғындардың демалуына арналған самалжел орнатылған. Сондай-ақ асфальт жөнделіп, жолға брусчатка төселді.

Қазіргі уақытта тағы 11 аулада жұмыстар жүргізіліп жатыр.