ШҚО әкімі Ермек Көшербаев зиялы қауым өкілдерімен кездесті
Өңір басшысы Қазақстан Жазушылар одағы Шығыс Қазақстан облыстық филиалының директоры Әлібек Қаңтарбаевпен және Қазақстанның құрметті журналисі Айтмұхамбет Қасымовпен кездесті, деп хабарлайды Altainews.kz тілшісі.
Кездесу барысында өңірдегі өнер мен әдебиетті дамытуға қатысты бірқатар мәселе талқыланды. Осылайша, оқырмандар қауымын кеңейту мақсатында кітапхана қорын, оның ішінде Шығыс Қазақстан авторларының кітаптарын цифрландыру ұсынылды.
– Бүгінгі таңда қарапайым кітаптар сыйлық ретінде әлі де сұранысқа ие. Бірақ адамдардың көбі электронды кітаптарға ауысып жатыр, өйткені бұл өте ыңғайлы. Сондықтан жергілікті жазушылардың әдеби шығармаларын цифрлық форматқа көшіріп, оларды тарату алаңдарын құру маңызды. Сонда дарынды авторларымыз туралы бәрі білетін болады, – деді облыс әкімі.
Сонымен қатар кездесуге қатысушылар жазушы, драматург Қалихан Ысқақтың 90 жылдық мерейтойына арналған іс-шаралардың жоспарын талқылады.
Оқи отырыңыз
Белгілі қаламгер Ғаббас Қабышұлы елеусіз қалмайды – ШҚО әкіміА.С.Пушкин атындағы кітапхананың оқырмандарына цифрлық қызметтердің 17 түрі көрсетіледіШҚО әкімі зиялы қауым өкілдерімен кездестіШҚО әкімі белгілі жазушы, журналист Әлібек Қаңтарбаевқа пәтер кілтін табыстады Мүсілім Құмарбекұлының мерейтойлық кеші
